بسمة وهبة: محمد فؤاد غنى في “العرافة” ليكسرني قبل الحلقة.. حركة ندالة | خبر

تحدثت مقدمة البرامج بسمة وهبة من جديد على بكائها في حلقة برنامجها “العرافة” في رمضان 2023، التي استضافت فيها النجم محمد فؤاد بسبب أغنيته “طمني عليك”.

قالت بسمة وهبة: “كانت حركة ندالة جدا من محمد فؤاد وفريق عمل البرنامج، عارفين أن نقطة ضعفي هي أولادي، منذ انفصالي عن والدهم وهم في سن صغيرة، عشت في بلد وهم في بلد آخر، وأنا مت ولم أدفن”، وذلك حسب لقائها في برنامج “ET بالعربي”.

وتابعت: الأغنية دي كانت قهر لي، ومحمد فؤاد غناها لينكد علي ويكسرني قبل الحلقة، سألته جاهز؟ فقال لي أنتِ اللي جاهزة؟ يلا يا أستاذ إيهاب عملية مش عارفة كم، ولقيت الأغنية، في كمية غدر في البرنامج دا.

يذكر أن بسمة علقت على بكائها من قبل في فيديو نشرته عبر حسابها بتطبيق Instagram، قالت فيه: “بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر”.

بسمة وهبة

بسمة وهبة

وتابعت: “بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد، انا كبرت وعرفت دلوقت اني كبرت لان مشاعري مش بتتحمل، بيوحشوني أكتر من الأول وبشتاق لهم اكتر من الاول ونفسي أعيش معاهم اكتر من الاول”.

واختتمت بسمة وهبة تعليقها قائلة: “أنا لولا اني بحترم المحطة كنت سبت الحلقة بس انا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعفي”.

اقرأ أيضا:

مصطفى كامل: تأجيل انتخابات “الموسيقيين” شائعة.. وعضو محال للنيابة يسعى للفتنة والبلبلة

صافيناز: بقول يا رب قبل ما أرقص عشان مموتش على المسرح

ظهور أمير عيد ودخول عفروتو على دراجة نارية .. تفاصيل حفل ريد بل ساوند كلاش

شيرين عبد الوهاب ترقص مع حسام حبيب على أغنية “كل ما أغني” (فيديو)

لا يفوتك: “تحليل النغمات مع عمك البات”: تقييم أغنية “زينة” للمطربة الفلسطينية ناي البرغوثي

حمل آبلكيشن FilFan … و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5>