موقعي نت متابعات فنية:
تداول رواد مواقع التواصل الاجتماعي حديث مصور من الأرشيف بين الفنانة داليدا والفنان عمر الشريف فى ثمانينيات القرن الماضي.
وقال عمر الشريف لداليدا: “فاكر أول يوم شفتك كويس جدًا، كنت عند منتج وكنت لسا عامل 3 أفلام، ولما دخلت لقيت بنت جميلة جدا، ومثيرة جدا جدا قاعدة معاه، اتكسفت لما شفتك، ومعرفتش أعمل إيه وبصتلك كتير من طرف عيني عشان استكشفك، ولما خرجتي سألت المنتج مين البنت دي؟ فقالي دي بنت إيطالية اكتشفتها، وبيتهيألي هيكون ليها مستقبل فى مجال السينما”.
نرشح لك – سوسن بدر لـ”في الفن”: استعنت بنماذج أمهات مصرية لتحضير شخصيتي في “بابا المجال”.. وتحمست للعمل مع مصطفى شعبان رغم صغر الدور
وتابع عمر الشريف: “قلت له متعرفش تعرفني عليها؟ أنا عايز أخرج معاها فقالي أنا هعرفكم ببعض وأنت اتصرف، فانتي دخلتي تانى المكتب والمنتج عرفنا ببعض، وأنا عزمتك على العشاء، أنا أخذتنى الجرأة أني أعزمك وأنتى وافقتي، وبعد العشاء وصلتك بيتك، وقبل ما تنزلي من العربية استعملت كل جاذبيتي، وقدرت أحصل على بوسة، وده كان شىء مدهش، عشان في الوقت دا الواحد يعرف ياخد بوسة مكانش شىء سهل أبدًا زي دلوقت”.
ضحكت داليدا من سرد عمر الشريف لذكريات هذا اليوم، وقالت له: “يعني قصدك إحنا عاكسنا بعض وأنا نسيت”.
ورد عمر الشريف: “غالبا معجبتكيش بوستي”، وردت داليدا: “بجد معرفش. بما إني مش فاكرة، أنا أسفة، لكن في حاجة أنا معجبة بيها جدا فيك، أنت عملت حاجة كان نفسي أعملها أوي، كانت فيلم غنائي كوميدي، أنا عارفة أنك عملت فيلم مع باربرا سترايسند، FUNNY GIRL وأنا إللى مغنية لسا معملتش أي فيلم غنائي”.
عمر الشريف وداليدافرد عليها عمر الشريف: “عارفة حاجة بعشقها فيكى.. حلاوة الميلودراما اللي فيكي، مش عارف ليه الناس مش بتحب كلمة ميلودراما وكلمة بتصدمهم، دي جزء من شخصيتنا كلنا كشرقيين وأنتي شرقية، وهى أننا بنبالغ دايمًا في رد الفعل أكتر من اللازم، شوفتي صداقتنا ومشاعرنا.. مشاعرنا بتبقى ضخمة وعميقة وده مدهش، دي حاجة مبهرة أنك تخلى اللى قدامك يحسوا بمشاعر عميقة”.
وفي سياق آخر رد عمر الشريف على تساؤل داليدا- التي تمنت أن ترى نفسها فنانة استعراضية بهوليوود- أن العيش فيها صعب فهي مدينة شرسة، وحاول هو أن يعيش هناك لمدة عام أو اثنين ولم يستطع التأقلم، لأن كل المقيمين بها من الفنانين والممثلين بالسينما والمسرح، ما يجعل المنافسة بينهم شرسة وما يحولهم إلى وحوش وأشرار.
عمر الشريف وداليداأضاف عمر الشريف أن الحياة حلوة في هوليوود، طالما أنت شخص ناجح وفيلمك قد حقق أرقامًا قياسية، ولكن بمجرد اتخاذ خطوة خاطئة، فإنك تعامل بقسوة والطاولة التي حجزوها لك في المطعم باسمك وقت النجاح، لن تجدها شاغرة وقت الفشل، فزوجات كبار المنتجين والمخرجين في هوليوود، انبهروا به وقت فيلمه الناجح “لورانس العرب” وأقاموا العزائم والحفلات التي يقيمونها باستمرار لرؤية الفنانين الناجحين، وعزموه قائلين: “نريد أن نرى العربي راكب الجمل في فيلم لورنس العرب”، ولكن هيهات أن يستمر الوضع على وتيرة واحدة للأبد، القسوة تكمن عند انقلاب الحال بعد فترة.
اقرأ أيضًا:
رمضان 2023- روجينا صلعاء الرأس في “ستهم”
رانيا يوسف: نادية الجندي مش مقياس للنجومية
مسلم يعلن تعرضه لحادث سير: خسرت صوتي
“الصين عملت عادل إمام” .. الجمهور يشبه الممثل جيمس هونج بالزعيم في أوسكار 2023
القائمة الكاملة لفائزي أوسكار 2023 .. 7 جوائز لـ Everything Everywhere All at Once وأغنية هندية تتغلب على ريانا
لا يفوتك: تحليل النغمات مع عمك البات: تحليل أغنية “يا جمالك” في الاحتفال بالعيد العاشر لمسيرة الفنانة كارمن سليمان
حمل آبلكيشن FilFan … و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5
نود أن ننوه ان مصدر الخبر الأساسي “صحيفة في الفن” وهي المعني بصحة الخبر من عدمه
