ياسمين عز: الرجال الآن تعاني من “القمة فوبيا”…الزملكاوي لا يخون والأهلاوي لايقبل إلا بالمركز الأول | خبر

وجهت ياسمين عز عددا من النصائح للزوجات للتعامل مع أزواجهن قبل مباريات القمة بين الأهلي والزمالك، كاشفة أن الرجال تعاني هذه الفترة من عرض طارئ يدعى القمة فوبيا.

وقالت ياسمين عز، خلال برنامجها “كلام الناس” المُذاع عبر شاشة “MBC مصر”: “الماتشات دي لها طقوس خاصة في البيت، لو اتصلتي بخطيبك أو بعتي له رسالة على الـ What’s app، ومردش عليكي، ماتزعليش منه أرجوكي لأنه في دنيا غير الدنيا، لو جوزك معرفش ينام الليلة دي ماتستغربيش، مش عشان عنده أرق أو بيفكر في واحدة تانية غيرك، هو بيفكر في نتيجة ماتش بكرة”.

ياسمين عز

وتابعت: بلاش تصدري له مشاكل أو تطلبي منه طلبات ملهاش لازمه، مش لازم تفتكري في يومين ماتش الاهلي والزمالك تفتكري أن التلاجة مافيهاش صلصة، ولا عين البوتاجاز الصغيرة مسدودة والمفروض يسلكها، أو الحلة التيفال اللي نستيها عند مامتك من آخر عزومة عايزاها عشان تسلقي الكرنبة، اسلقيها في أي حلة يا مدام، هو يا حبيبي عنده عرض طارئ اسمه (القمة فوبيا) وبيفكر لا قدر الله لو فريقه اتغلب هيهرب فين من تحفيل صحابه ولو فرقته اتغلبت متبقيش أنتي والزمن وصحابه عليه.

وأضافت: لو فرقته اتغلبت ماتبقيش انتي والزمن وصحابه اللي بيحفلوا عليه، اوعي تقربي منه لمدة 3 ايام، من بعد صفارة نهاية المباراة، أما لو جوزك فريقه كسب يا سعدك يا هناكي، هتلاقيه اتحول لعفريت مصباح علاء الدين فجأة، لو كان قايل لك من ساعة مش معايا فلوس هتلاقيه معه وبيديلك، حاولي في الساعتين اللي بعد الماتش تبلغيه بأي خبر وحش كنتي مخبياه عليه.

ياسمين عز

ياسمين عز

ياسمين عز

وعن الفرق بين الرجل الأهلاوي والزملكاوي، قالت: ولو جوزك زملكاوي عمره ما هيخونك وعنده وفاء وإخلاص عمرك ما هتلاقيه، وأقل كلمة بتفرحه، ويعشق المتعة بصرف النظر عن النتيجة والشكل الحلو بيفرق معاه وبيحسس اللي حواليه أن قطته جمل وبيهتم بالتفاصيل.

أضافت: الرجل الأهلاوي أصيل ومش بيقبل غير بالمركز الأول، وعنده قوانين صارمة وبيركز على هدفه، وبيحتفل بمناسبات غريبة بتخلد أمجاده زي أول مرة عملتيله بطة بالبرتقال وهيقولك البطة ممكن، ولو شلتيه في عينيكي هيطبق عليكي كل شعارات التالتة شمال وهيهتف بيكي وهيقولك من صغري أعشقك وعشانك يا غزال أهز جبال، والراجل سواء زملكاوي أو أهلاوي مفيهوش عيوب وكلهم طعمين وهايلين.

اقرأ أيضا:

عماد الدين أديب: خسرت 80 كيلو من وزني.. وتشرفت بالإنتاج لـ ماجدة الرومي (فيديو)

الملخص- سهير رمزي في “حبر سري” 1: قابلت والدي مرة واحدة وبتمنى إخواتي يسألوا عني ولو رجع بيا الزمن هقدم نفس المشاهد الجريئة

#شرطة_الموضة: بوسي بإطلالة سوداء أنيقة من Balmain تكشف نحافتها … سعرها يتجاوز 80 ألف جنيه

نجلاء بدر: عجبتني فكرة حكاية “روليت”.. ومفيش فنانة بتقعد في بيتها بالمكياج 24 ساعة

لا يفوتك: “تحليل النغمات مع عمك البات” تقييم أغنية “يا عراف” لأحمد سعد وأحمد زعيم والفنان التونسي نوردو

حمل آبلكيشن FilFan … و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5