رامي صبري: اسم ألبومي الجديد “معايا هتبدّع” عشان ماظلمش الأغنية … وصورت البرومو لإني منتج مش بفكر في الفلوس | خبر
موقعي نت متابعات فنية:
كشف الفنان رامي صبري عن كواليس تحضير ألبومه الجديد “معايا هتبدّع”.
وأوضح رامي صبري في مداخلة هاتفية مع الإعلامية شافكي المنيري ببرنامج “التاسعة” عبر قناة مصر الأولى، أن اختيار أسماء أغنيات الألبوم أستغرق بعض الوقت.
وأضاف: “لما جينا نعمل البوستر كان في مشكلة إن الناس هتقرا هتبدّع وتبقى تبدِع، الاتنين واحد، والأغنية عملها عزيز الشافعي ودخلت في الأخر خالص، قبل ما الألبوم ينزل بـ3 أسابيع”.
نرشح لك- الوجه الآخر للأسطورة بيليه … 47 عاما من الفن أحب خلالها زبيدة ثروت ومثل مع ستالون ومايكل كين
وتابع رامي صبري: “كنت صورت الفيديو الدعائي، وبقت أسم الألبوم لسببين، أولهم أنها أغنية مهمة تشتغل في كل حتة بالليل، سواء كان فرح أو حفلة أو السهرات، والأغاني بتاعتي بتبقى على السماعات كل يوم بالليل والناس سامعة صوتي”.
وأكد: “وكان لازم أخلى الألبوم باسم الأغنية عشان دخلت في الأخر وماتصورتش في الدعاية فمش عايزها تتظلم”.
وتحدث رامي صبري عن تفاصيل فكرة الفيديو الدعائي للألبوم قائلا: “كان عندنا اختيار إننا نصور كليب زي ما عملت قبل كده، بس قلت عايز أعمل حاجة جديدة، وأنا في الأستوديو اكتشفت إن ممكن أصور الألبوم كله إعلان، كل أغنية 40 ثانية”.
وواصل: “أنا المنتج، والفريق اللي شغال معايا قالوا لي الإعلان هيكون مكلف جدا، لأنك هتصور يومين، والموضوع متعب جدا وتكاليفه عالية وممكن مترجعش تاني، لأن يوتيوب بيقلل الوصول للناس بعد 3 دقايق من الفيديو ويقلل الفلوس، ولقيت الموضوع داخل في حسابات ماليش علاقة بها”.
وأشار إلى تمسكه بالفكرة وإبلاغه لفريقه أنه سوف ينفذها حتى لو لم تكن مربحة، موضحا: “جزء منها فني، إحنا فنانين وعايزين نلبس ويكون شكلنا حلو ونغني حلو، بس في الأخر بيجي جزء بالورقة والقلم، وأنا عمري ما فكرت فيه ولا هفكر فيه”.
وقال رامي صبري إنه يهتم منذ بدايته كمطرب في 2006 بجودة الصورة في فيديوهاته وأن تكون أغنيته مختلفة عما اعتاده الجمهور، مؤكدا: “معنديش مشكلة أقعد سنة أعمل أغنية، ولما بسافر بره باحس إني بمثل بلدي”.
يذكر أن رامي صبري طرح حتى الآن 4 أغاني من الألبوم الجديد وهي؛ معايا هتبدّع، يمكن خير، لما بيوحشني وإحنا في حتة تانية.
اقرأ أيضا:
عمرو دياب يتصدر التريند بـ”ماتيجي نفك” في أقل من ساعة
سلوى عثمان ترد على سؤال ياسمين عز المحرج بطريقة مؤثرة- فيديو
عمرو مصطفى: اقتباس رامي صبري للحن أغنيتي توارد أفكار … والأخير يرد: ماتهزرش معايا
#شرطة_الموضة: نانسي عجرم تستعين بالبطانة لمزيد من الاحتشام في ظهورها بـ”سهرانين”.. سعر الفستان 34 ألف جنيه
لا يفوتك: #شرطة_الموضة: أسرار أناقة إيميلي كوبر في Emily in Paris
حمل آبلكيشن FilFan … و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
نود أن ننوه ان مصدر الخبر الأساسي “صحيفة في الفن” وهي المعني بصحة الخبر من عدمه
