باسم سمرة: السقا حذف دوري من “إبراهيم الأبيض” ومنع ظهوري في “الجزيرة 2” … أنا أشطر منه بكتير وكنت هقعدهم في البيت | خبر

قال الفنان باسم سمرة إن الفنان أحمد السقا كان وراء استبعاده من فيلم “الجزيرة 2” وتسبب في تهميش دوره بفيلم “إبراهيم الأبيض”.

وأوضح باسم سمرة في حواره مع الإعلامي عمرو الليثي ببرنامج “واحد من الناس” عبر قناة الحياة، أن شخصيته في فيلم “الجزيرة” تعرضت للقتل حتى لا يظهر في الجزء الثاني.

نرشح لك- انتصار عن تصريحات الأفلام الإباحية: ماقلتش كده … وأنا مادة مثيرة عشان صريحة ومختلفة

وأضاف: “الجزيرة كان هيبقى في جزء تاني، وأنا لو موجود كان كلهم هيقعدوا في البيت، أشطر واحد أنا”.

وردا على سؤال “أشطر من السقا؟” قال: “بكتير طبعا، هو في حتة وأنا في حتة”، مؤكدا أن ما حدث كان متعمدا.

https://www.youtube.com/watch?v=yOPD60E3qb0

وأكد باسم سمرة أن الأمر تكرر في فيلم “إبراهيم الأبيض”، موضحا: ” شالوا دوري تقريبا، عشان وجودي كان هيعمل قلق، أنا عملت دور أكتر من رائع، وبنط من الدور السابع وكان في مخاطرة كبيرة”.

وتابع: “رحت الافتتاح لقيت الدور كله اتقص، وكان في أحمد رزق مشي من الفيلم أصلا، مظهرش ولا لقطة، وأنا رأيي أحمد السقا اللي عمل كده”.

وطلب عمرو الليثي من باسم سمرة توجيه رسالة إلى أحمد السقا، ليرد ساخرا: “تحياتي إزيك يا حبيبي، هزعل ليه هو الخسران”، مشيرا إلى أنه سأله عن سبب حذف مشاهده من الفيلم ليرد: “أنا مش مسئول عن أي حاجة، هو أنا المنتج؟ أنا المخرج؟”.

وأشار باسم سمرة إلى أنه طرح السؤال نفسه على مروان حامد مخرج فيلم “إبراهيم الأبيض”، ليبرر له الأمر بصعوبة في تنفيذ الخدع البصرية في المشهد بعد تصويره، وأوضح: “كان مشهد معقد جدا، بتخانق أنا والسقا وبعدين بقع من الدور السابع، وبمسك ونقعد نقول حوار بعدين أقع، فقال لي الجرافيك مظبطش، اسمه مروان حامد، ابن وحيد حامد الأستاذ الكبير، وعمل لي عمارة يعقوبيان كان رائع”.

اقرأ أيضا:

أحمد صلاح حسني: “المساكنة” كانت متاحة لي في أوروبا ومبادئي ترفضها

باسم سمرة: محمد رمضان يروج لنفسه بطريقة الملاكمين في أمريكا وأسلوبه مستفز للبعض

باسم سمرة: ريهام عبد الغفور رقم واحد في التمثيل في مصر ووش الخير

فتحي عبد الوهاب مع أنس بوخش: أنا شخص كسول ومكنش في خطتي أبقى ممثل محترف

لا يفوتك: خالد عليش لـ في الفن: أنا مقصر في حق نفسي في التمثيل .. في الشغل مع عادل إمام “كل شيء مكتوب”

حمل آبلكيشن FilFan … و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5